انشااللّه الأمحَهْ الّلي انزَرْعِتْ بِئلوبْنـا

 تموتْ وتِنمـى وِتزَهِّرْ مَـحَبِّـي

 انشااللّه النـاسْ المِنشُوفُنْ عَدروبنـا

 يِتلائُو بوِجَّـكْ فيـنا يـا رَبِـي 

            *****            

 حكَـايِةْ حُبَكْ لِلـكِلّ حكَينـاهـا

 وما في مَطرَحْ إلاّ ما كتَبنـاهـا

 يِمكِنْ نِحنَ كبِرْنـا ونسـيناهـا

 رَجِّعنا زغـارْ منِفهَم مِعنـاهـا

            *****            

 لا تنَسِّـينا الكِلمِهْ الإلتَـا عَنَّـا

 إنتو مِلحْ الأرضْ وإنتو نـورا

 لا تِـترِكنا ضلَّـك ساكِن عِنَّـا

 وخَلِّـينا نكوُنْ عَنَّك اجمَل صورَه  

          *****            

 وَحدَكْ إنتَ بعَتمْ الدَربْ سـرَاجنا

 وإنتَ الكَنزْ الما منِتخَلّى عَـنُّـو

 بِلطُرئآتْ الخُطرَه تِبئَ سيـاجنـا

 وَصِّلنا لـنَبعَكْ وِسـئِينا مِـنُّـو